چھنگ ڈو (شِنہوا) چین کے صوبہ سیچھوان کے جنوب مغربی شہر چھنگ ڈو میں چین کے جنوب مغربی علاقے میں کانسی دور کی نمائش شروع ہوگئی۔

چھنگ ڈو کے جن شا سائٹ عجائب گھر میں مجموعی طور پر 294 اشیا  یا قیمتی ثقافتی آثار نمائش کے لئے رکھے گئے ہیں۔ ان میں زیادہ کانسی کے برتن ہیں جو بنیادی طور پر نیو لیتھک دور کے اوائل اور چھن و ہان عہد (221 قبل مسیح سے 220 عیسوی) سے تعلق رکھتے ہیں۔

ان اشیا میں چھنگ ڈو سے تقریباً 60 کلومیٹر کی مسافت پر واقع سان شینگ دوئی کھنڈرات سے نئی دریافت شدہ کچھ اشیاء بھی شامل ہیں۔

یہ نمائش قدیم زمانے میں چین کے جنوب مغربی خطے کی سماجی خصوصیات، مذہبی عقائد اور فنکارانہ جمالیات کا اظہار اور چینی تہذیب کے متحد اور متنوع ترقی کا ایک نمونہ ہے۔

چین کے جنوب مغربی خطے میں قدیم دور سے مختلف نسلی گروہ آباد رہے ہیں۔ یہ علاقہ غیرآہنی دھاتوں سے بھی مالا مال رہا ہے۔ خطہ کانسی ثقافت میں اپنے مخصوص انداز اور نسلی خصوصیات کے لئے مشہور ہے جو ایشیا میں کانسی دور کے عروج کی نمائندگی بھی کرتا ہے۔

یہ نمائش 27 اگست تک جاری رہے گی۔