بیجنگ(شِنہوا) چین کی خدمات آؤٹ سورسنگ کی صنعت نے 2022 میں مستحکم توسیع کو برقرار رکھا جو صنعت کی مضبوطی کی عکاسی  کرتی ہے ۔

 وزارت تجارت کے اعداد و شمار کے مطابق چینی کمپنیوں نے گزشتہ سال تقریباً 24کھرب40 ارب یوآن (تقریباً362ارب امریکی ڈالر) کے خدمات آؤٹ سورسنگ کے معاہدوں پر دستخط کیے جو گزشتہ سال کی نسبت 14.2 فیصد زائد ہے۔

2022 میں معاہدے کی لاگت سالانہ 10.3 فیصد اضافے سے 16کھرب50 ارب یوآن تک پہنچ گئی ۔

آؤٹ سورسنگ سے مراد کسی بیرونی پارٹی کو خدمات انجام دینے یا سامان تیار کرنے کا ٹھیکہ دینا ہے جو عام طور پر متعلقہ ادارے کے ملازمین ہی سر انجام دیتے ہیں۔

مجموعی طور پرخدمات آؤٹ سورسنگ معاہدے کی مالیت  گزشتہ سال کی نسبت 16.7 فیصد بڑھ کر تقریباً 13کھرب 20 ارب یوآن ہو گئی۔