گوانگژو(شِنہوا)  چین کی خوراک کی صنعت نے 2022 کے دوران مسلسل ترقی کی اور رواں سال ترقی کی یہ رفتار برقرار رکھنے کی توقع ہے۔ چائنہ نیشنل لائٹ انڈسٹری کونسل کے سربراہ ژانگ چھونگ ہی نے کہا کہ کم از کم 2کروڑ یوآن (تقریباً28لاکھ امریکی  ڈالر) کے سالانہ کاروبار رکھنے  والی بڑی فوڈ کمپنیوں کی گزشتہ سال آمدنی98کھرب یوآن رہی جو اس سے گزشتہ سال کے مقابلے میں5.6 فیصد زیادہ ہے۔

ژانگ نے ملک کی فوڈ انڈسٹری سے متعلق ختم ہونے والی کانفرنس کے دوران کہا کہ ان کا منافع گزشتہ سال سے 9.6 فیصد بڑھ کر681 ارب 50کروڑ یوآن ہو گیا۔

چائنہ لائٹ انڈسٹری کے نیشنل فوڈ مینجمنٹ سنٹر کے ڈائریکٹر یو شیو جون نے کہا کہ خوراک کے شعبے نے مضبوط رفتار اور لچک کا مظاہرہ کیا ہے۔ انہوں نے کہا کہ چین کی مقامی مارکیٹ کی مسلسل توسیع سے فائدہ اٹھاتے ہوئے، فوڈ انڈسٹری کی اس سال مستحکم ترقی اور بڑی کمپنیوں کی آمدنی میں تقریباً 7 فیصد اضافہ متوقع ہے