بیجنگ(شِنہوا) چین کی کیمیائی صنعت میں 2022 کے دوران سرمایہ کاری اور برآمدات کے لحاظ سے مضبوط توسیع  ریکارڈ کی گئی۔قومی ادارہ شماریات کیاعداد و شمار کے مطابق پچھلے سال کیمیائی خام مال اور مصنوعات کی تیاری میں سرمایہ کاری میں گزشتہ سال کی نسبت 19 فیصد اضافہ ہوا جو تمام صنعتوں کی اوسط سطح سے 7.4 فیصد پوائنٹس زیادہ ہے۔اس عرصے میں کیمیائی شعبے کے تجارتی ڈھانچے میں مسلسل بہتری ہوئی۔ کسٹمز کی جنرل ایڈمنسٹریشن کے اعداد و شمار کے مطابق  نامیاتی کیمیکلز کی برآمدات 80 ارب 70 کروڑ امریکی ڈالر تک پہنچ گئی جو کہ گزشتہ سال کے مقابلے میں  17 فیصد زائد ہے جبکہ اس دوران تجارتی سرپلس 2021  کے مقابلے میں 216 فیصد بڑھ گیا۔غیر نامیاتی کیمیکلز کی برآمدات 2021 کے مقابلے میں 68 فیصد بڑھ کر39ارب40 کروڑ ڈالر تک پہنچ گئیں جبک تجارتی سرپلس میں گزشتہ سال کی نسبت 57 فیصد اضافہ ہوا۔اعداد و شمار کیمطابق مصنوعی گوند کی برآمدات میں گزشتہ سال کی نسبت 4 فیصد اضافہ ہوا جس سے تجارتی خسارہ 2021  کے مقابلے میں 22 فیصد کم ہوا۔