بیجنگ(شِنہوا) چین  نئی بین الاقوامی زمینی سمندری تجارتی راہداری کے ساتھ سرحد پار لاجسٹکس سہولیات کے لیے بنیادی اقدامات کا نفاذ کرے گا۔ کسٹمز کی جنرل ایڈمنسٹریشن (جی اے سی) کے مطابق نئے اعلان کردہ اقدامات میں کوریڈور کے ساتھ انٹر ماڈل ٹرانسپورٹ کے لیے کسٹم کلیئرنس کی سہولت فراہم کرنا، بین الاقوامی ریل ٹرانسپورٹ  کی صلاحیت کو بہتر بنانے میں معاونت اور چین-یورپ ریلوے ایکسپریس اور دریائے یانگتزی کے ساتھ کوریڈور کو بہتر طریقے سے منسلک  کرنے میں مدد کرنا شامل ہے۔ جی اے سی کے جنرل آپریشنز کے ڈائریکٹر وو ہائی پھنگ نے گزشتہ روز ایک پریس کانفرنس میں کہا کہ ان اقدامات کا مقصد راہداری کے ساتھ واقع خطوں میں اقتصادی اور تجارتی ترقی کو سپورٹ کرنا اور کسٹم معائنہ اور جنوب مشرقی ایشیائی ممالک کی تنظیم(آسیان) کے رکن  ممالک کے ساتھ قرنطینہ تعاون کو مضبوط بنانا ہے۔ وو نے کہا کہ چین اور آسیان کے درمیان صنعتی تعاون کو فروغ دینے کے لیے راہداری کے حوالے سے ان مخصوص اقدامات کے تحت گوشت، پھل اور دیگر تازہ پیداوار جیسی  خراب ہونے والی مصنوعات کے لیے چھ گھنٹوں کے اندر کلیئرنس بھی شامل ہے۔