چین کے شمالی صوبہ شنشی کے شہر تائی یوان میں لاجسٹک سنٹر میں عملے کی ایک رکن پیکجوں کو ترتیب دے رہی ہے۔(شِنہوا)

بیجنگ(شِنہوا)چین میں مارکیٹ کی طلب و رسد کی بحالی سے لاجسٹکس سیکٹر نے فروری میں ترقی کی رفتار دوبارہ حاصل کرلی۔

چائنہ فیڈریشن آف لاجسٹکس اینڈ پرچیزنگ (سی ایف ایل پی) کے مطابق ملک کی لاجسٹکس مارکیٹ کی کارکردگی کا نگران انڈیکس گزشتہ ماہ 50.1 فیصد رہا جو جنوری سے 5.4 فیصد زیادہ ہے۔

50 سے اوپر انڈیکس توسیع کی نشاندہی کرتا ہےجب کہ 50 سے نیچے حجم سکڑنے کو ظاہر کرتا ہے۔

سی ایف ایل پی کے چیف اکانومسٹ ہی ہوئی نے کہا کہ زیادہ تر ذیلی انڈیکس فروری میں بڑھے جبکہ لاجسٹک سیکٹر میں پالیسی مراعات کے اثر انداز ہونے کے ساتھ مستقبل میں مستحکم ترقی کا امکان ہے۔