بیجنگ(شِنہوا) چین کی لاجسٹکس انڈسٹری نے مارکیٹ طلب میں معتدل اضافے کے باعث رواں سال کی پہلی ششماہی میں بحالی کی رفتار کو برقرار رکھاہے۔ چائنہ فیڈریشن آف لاجسٹکس اینڈ پرچیزنگ کے جاری کردہ اعداد و شمار کے مطابق، سال کے پہلے چھ ماہ کے دوران، سماجی لاجسٹکس کی مالیت گزشتہ سال سے4.8 فیصد اضافے سے  1606 کھرب یوآن (تقریباً225کھرب 10 ارب ڈالر) تک پہنچ گئی۔

اعداد و شمارکے مطابق صنعتی مصنوعات کی لاجسٹکس میں اس مدت کے دوران  گزشتہ سال سے 3.8 فیصد اضافہ ہوا، جو پہلی سہ ماہی کے مقابلے میں 0.8 فیصد زیادہ ہے۔ اعداد و شمار سے ظاہر ہوتا ہے کہ لاجسٹکس انڈسٹری کی مجموعی آمدنی گزشتہ سال سے 5.3 فیصد بڑھ کر63کھرب  یوآن ہو گئی ہے۔ درپیش چیلنجوں کے باوجود، فیڈریشن نے اپنی بڑی صلاحیت اور مضبوط لچک کا حوالہ دیتے ہوئے پورے سال کے لیے ترقی کے امکانات کے بارے میں اعتماد کا اظہار کیا ہے۔