بیجنگ(شِنہوا) چین کی معیشت 2023 میں اچھا آغاز کرتے ہوئے توقع سے زیادہ تیزی سے بحالی کی سمت گامزن ہے ۔ اس کے سبب اعتماد بڑھ رہا ہے اور اندرون و بیرون ملک نئی تحریک فروغ پارہی ہے۔ بہارتہوار کے دوران سیاحت اور کھپت میں زبردست اضافے کے ساتھ تمام اشاریے ایک امید افزا سال کی نشاندہی کا ثبوت ہیں۔سات روزہ تعطیلات کے دوران چین نے تقریبا 29 لاکھ سرحد پار سفر  ریکارڈ کئے جو کہ گزشتہ برس کی نسبت 120.5 فیصد زائد ہیں ۔ 30 کروڑ 80 لا کھ مقامی سفر کئے گئے جو  کہ 2022 سے 23.1 فیصد زیادہ ہیں۔چین میں جنوری کے دوران اشیا سازی کے شعبے کا خریداری منیجرز انڈیکس 50.1 ہوگیا جو کہ لگاتار 3 ماہ کے سکڑا کے بعد توسیع میں واپس آیا ہے۔چین میں سٹی گروپ کے چیف اکانومسٹ یو شیانگ رونگ نے کہا کہ وبا پر قابو پانے کے اقدامات میں نرمی اور نئی پالیسی کے آغاز سے توقع ہے کہ چین کی معیشت 2023 میں نئے افق پر پہنچے گی۔ اس کیعلاوہ شرح نمو کے استحکام اور ترقی کو فروغ دینے والی عملی پالیسیوں سے اعتماد بڑھے گا ۔یہ حوصلہ افزا اعداد و شمارمربوط مرکزی اور مقامی منصوبہ بندی کا نتیجہ ہیں۔ ایک چینی کہاوت ہے کہ "سال بھر کا منصوبہ  بہار سے شروع ہوتا ہے"۔کھپت کے فروغ اور مقامی طلب میں اضافہ 2023 میں چین کی اولین ترجیح ہے۔وزارت تجارت نے حال ہی میں کہا تھا کہ وہ آٹوموبائل اور گھریلو استعمال کی اشیا جیسے شعبوں پر توجہ دے گی اور کھپت کو بڑھانے کے لئے قومی تشہیری سرگرمیوں کو مربوط بنائے گی۔