جبلجانا (شِنہوا) چین کی نان جنگ یونیورسٹی کے روایتی آلات آرکسٹرا نے جبلجانا یونیورسٹی کی موسیقی اکیڈمی میں چینی کلاسیکی موسیقی کا کنسرٹ پیش کیا۔
سلووینیا کے دارالحکومت کے مرکز میں منعقدہ کنسرٹ میں سلووینیا میں چین کے سفیر وانگ شون چھنگ سمیت 100 سے زائد افراد نے شرکت کی۔
آرکسٹرا میں کلاسک گیت جیسے "فلم ڈریم آف دی ریڈ چیمبر" کا تھیم سانگ اور "آل برڈ پے ہوم ایج ٹو دی فینکس" پیش کئےگئے تھے۔ آکسٹرا پروفیسر ژانگ جنگ نے ترتیب دیا تھا۔
سلووینیا میں کنفیوشس انسٹی ٹیوٹ کی ڈائریکٹر ڈینی جیلا وولجکس نے کہا کہ موسیقی سرحدی قید سے بالاتر ہے اور اسے سمجھنے کے لئے کسی ترجمہ کی ضرورت نہیں ہوتی ہے۔
نان جنگ یونیورسٹی کے نائب صدر ژانگ جن فینگ نے کہا کہ آرکسٹرا ثقافت کا پیغام پہنچاتا ہے، یہ چینی موسیقی کی خوبصورتی اور مختلف ثقافتوں کی ترجمانی کرتا ۔ اس سے ایک دوسرے کو سمجھنے اور دوستی کو فروغ ملتا ہے۔
اس کنسرٹ کا اہتمام جبلجانا میں کنفیوشس انسٹی ٹیوٹ نے کیا تھا ۔ 2010 میں قائم ہونے والے اس ادارے کا مقصد سلووینیا میں چینی زبان اور ثقافت کا فروغ ہے۔
آرکسٹرا کی بنیاد 1996 میں رکھی گئی تھی اور اس میں یونیورسٹی کے مختلف شعبوں سے انڈر گریجویٹ ، گریجویٹ اور ڈاکٹریٹ کے طلباء شامل ہیں۔
آکسٹرا دنیا بھر اور خاص طور پر بیلٹ اینڈ روڈ انیشی ایٹو میں شامل ممالک میں ایک ہزار سے زائد تقریبات کا انعقاد کرچکا ہے۔ سلووینیا 2017 میں اس انیشی ایٹو کا حصہ بنا تھا۔
