بیجنگ (شِنہوا) چین نے اپنی نئی توانائی گاڑیوں کی صنعت میں اعلیٰ معیار کی ترقی آسان بنانے اور مضبوط ترقی کی رفتار مستحکم کرنے کے لئے حکمت عملی میں مزید بہتری لائی ہے۔

حالیہ دنوں میں قومی ترقی اور اصلاحات کمیشن اور 3 دیگر اتھارٹیز نے ملک کے پاور گرڈ میں نئی توانائی گاڑیوں کا انضمام مضبوط کرنے کے لئے رہنما اصول جاری کئے ہیں۔

اس انضمام کے لئے چین کا ابتدائی تکنیکی معیار کا نظام 2025 تک قائم کردیا جائے گا اور نئی توانائی گاڑیوں کی چارجنگ کے لئے استعمال کے وقت بجلی کی قیمت کا طریقہ کار مکمل طور پر نافذ اور بہتر بنادیا جائے گا۔

رہنما اصول کے تحت 2030 تک نئی توانائی گاڑیاں ملک کے الیکٹرو کیمیکل توانائی ذخیرہ نظام کا ایک اہم حصہ ہوں گی۔

چین نے نئی توانائی گاڑی صنعت کے لئے منصوبوں اور رہنما اصولوں ایک سلسلہ جاری کرکے اس شعبے میں ترقی کی راہ کا تعین کردیا گیا تھا جس کا مقصد ملک کو گاڑیوں کی صنعتی مرکز میں تبدیلی کرنے کا عمل تیز کرنا ہے۔

چین نے نومبر 2020 میں 2021-2035 تک صنعت کے لئے ایک ترقیاتی منصوبہ جاری کیا تھا جس میں 5 اسٹریٹجک کاموں کا تعین کیا گیا تھا جس میں ملک کی تکنیکی اختراع صلاحیت بہتر بنانا ، صنعت کے ماحولیاتی نظام کی نئی اقسام کا قیام ، صنعتی انضمام اور ترقی میں پیشرفت ، ملک کے بنیادی ڈھانچے نظام کو مکمل کرنا اور کھلے پن و تعاون کو وسعت دینا شامل ہے۔