بیجنگ(شِنہوا)چین میں نئی توانائی والی گاڑیوں (این ای ویز) کی خوردہ فروخت میں جولائی کے دوران گزشتہ سال کی نسبت 31.9 فیصداضافہ ہوا۔

چائنہ پیسنجر کار ایسوسی ایشن (سی پی سی اے) کے منگل کو جاری اعداد و شمارکے مطابق گزشتہ ماہ چین میں کل 6 لاکھ 41 ہزار نئی توانائی والی کاریں فروخت کی گئیں۔ تاہم جولائی میں  گزشتہ ماہ کی نسبت فروخت میں3.6 فیصد کی کمی ریکارڈ کی گئی۔

اعداد و شمار کےمطابق چین کی نئی توانائی والی گاڑیوں کی مارکیٹ میں خاطر خواہ توسیع دیکھنے کو مل  رہی ہے جن کی کل خوردہ فروخت سال کے آغاز سے 36.3 فیصد بڑھ کر 37 لاکھ 30 ہزار یونٹ تک پہنچ گئی۔