بیجنگ(شِنہوا) اگست میں چین کی نئی توانائی سے چلنے والی مسافر کاروں کی فروخت میں اضافہ ہوا۔

چائنہ پیسنجر کار ایسوسی ایشن (سی پی سی اے) کے اعداد و شمارکےمطابق گزشتہ ماہ چین میں نئی توانائی والی مسافر گاڑیوں کی خوردہ فروخت  گزشتہ سا ل کی نسبت 34.5 فیصد بڑھ کر7 لاکھ 16 ہزار یونٹس تک پہنچ گئی۔

ایسوسی ایشن نے کہا کہ رواں سال کے پہلے آٹھ مہینوں میں ان کاروں کے کل 44 لاکھ 40 ہزار یونٹس خوردہ ذرائع کے ذریعے فروخت کیے گئےجوگزشتہ سال  کے مقابلے میں 36 فیصد زیادہ ہے۔

اگست میں ان کاروں کی تھوک فروخت 7 لاکھ 98 ہزار یونٹس تک پہنچ گئی جس سے گزشتہ سال کی نسبت  25.6 فیصد کا اضافہ ظاہر ہوتا ہے۔

اعداد و شمار کے مطابق چین کی نئی توانائی سے چلنے والی مسافر کاروں کی برآمدات گزشتہ سال کے مقابلے میں 1.7 فیصد بڑھ کر 78 ہزاریونٹس تک پہنچ گئی جو ملک کی کل مسافر کاروں کی برآمدات کا 24 فیصد ہے۔