بیجنگ(شِنہوا)چین میں رواں سال کی پہلی ششماہی کے دوران نصب شدہ قابل تجدید توانائی کی صلاحیت میں تیز تر اضافہ ہواہے۔

چین کی نیشنل انرجی ایڈمنسٹریشن(این ای اے) کے مطابق جون کے آخر تک نصب شدہ قابل تجدید توانائی کی صلاحیت تقریباً 1 ارب 32 کروڑ کلوواٹ تک پہنچ گئی جو گزشتہ سال کی اسی مدت کے مقابلے میں 18.2 فیصد زیادہ ہے۔

مختلف ذرائع سے توانائی پیداوار کے اعداد و شمار کے مطابق ہوا سے بجلی کی پیداوار گزشتہ سال کی نسبت 13.7 فیصد بڑھ کر39 کروڑ کلوواٹ تک پہنچ گئی جبکہ شمسی توانائی سے پیداواری صلاحیت تقریباً 47 کروڑ کلوواٹ رہی جو گزشتہ سال کی نسبت 39.8 فیصد زائد ہے۔

این ای اے  نے کہا کہ ملک کے نصب شدہ بجلی منصوبوں کی پیداواری صلاحیت کل تقریباً 2 ارب 71 کروڑ کلوواٹ تک پہنچ گئی ہے جس سے  گزشتہ سال کی نسبت 10.8 فیصد اضافہ ظاہر ہوتا ہے۔