بیجنگ (شِنہوا) چینی وزارت خارجہ کے ترجمان نے کہا ہے کہ  چھ ممالک کے مسافروں کے لیے چین کی ویزا فری پالیسی کے مثبت نتائج سامنے آئے ہیں، وزارت خارجہ سرحد پار سفر کے لیے مزید سہولت فراہم کرنے کے لیے ویزا پالیسی کو بہتر بنائے گی۔

ان خیالات کا اظہار ترجمان وانگ وین بن نے منگل کو چین کی نئی یکطرفہ ویزا فری پالیسی  سے متعلق تازہ ترین صورتحال سے متعلق ایک سوال کے جواب میں کیا، جو یکم دسمبر کو چھ ممالک فرانس، جرمنی، اٹلی، ہالینڈ، اسپین اور ملائیشیا کے عام پاسپورٹ ہولڈرز کے لیے شروع کی گئی ہے۔

ترجمان نے کہا کہ چین کے نیشنل امیگریشن  محکمہ کے جاری اعدادوشمار کے مطابق، چھ ممالک سے تقریباً 18ہزار افراد یکم سے 3 دسمبر تک چین میں آئے، جو 30 نومبر کے مقابلے میں یومیہ 39 فیصد زیادہ ہے۔انہوں نے بتایا کہ ویزہ فری پالیسی کے ذریعے تقریباً 7ہزار افراد ملک میں آئے اور یہ تعداد چھ ممالک سے آنے والوں کی کل تعداد کا 39 فیصد ہے۔