بیجنگ(شِنہوا) چین میں ڈاک کی صنعت نے رواں سال جنوری سے اکتوبر تک نمایاں ترقی کی، جس میں کاروباری حجم اور آمدنی دونوں میں دوہرے ہندسے کا اضافہ ہوا۔

ریاستی پوسٹ بیورو کی جانب سے جاری اعداد و شمار کے مطابق، اس مدت کے دوران محکمہ ڈاک کی جانب سے 129ارب72کروڑپارسلز کو منزل مقصود پر پہنچایا گیا جو گزشتہ سال سے 14.3 فیصد زیادہ ہیں۔

اس شعبے  کی آمدنی گزشتہ سال کی اسی مدت کے مقابلے میں 11.5 فیصد بڑھ کر جنوری سے اکتوبر تک تقریباً12کھرب 40ارب یوآن (تقریباً 174ارب 3کروڑ ڈالر) ہو گئی۔ اعداد و شمارکے مطابق  صرف اکتوبر میں ملک کی پوسٹل انڈسٹری کے کاروباری حجم اور آمدنی میں بالترتیب 19.7 فیصد اور 18.6 فیصد اضافہ ہوا۔