بیجنگ (شِنہوا) چین کی ریاستی کونسل نے کم آمدنی والی آبادی کی متحرک نگرانی اور کثیر درجاتی اور درجہ بندی پر مبنی سماجی امداد کے ساتھ ساتھ بزرگوں کے لیے خوراک کےامدادی ایکشن پلان اور پیٹنٹ نفاذ کو فروغ دینے کے رہنما اصولوں کی منظوری دی ہے۔
وزیر اعظم لی چھیانگ کی زیر صدارت ریاستی کونسل کے ایگزیکٹو اجلاس کے مطابق، لوگوں کے ذرائع معاش کے بہتر تحفظ کے لیے سماجی امداد کے کاموں کو زیادہ درست، فوری اور موثر بنانے کی کوشش کی جائے گی۔
اجلاس میں کہا گیا کہ تمام سطحوں پر حکومتوں کو اپنی ذمہ داریاں پوری کرتے ہوئے، ضرورت مند لوگوں کی مدد کو مضبوط بنانا چاہیے اور اس بات کو یقینی بنانا چاہیے کہ ادائیگیاں اور مراعات وقت پر اور پایہ تکمیل تک پہنچی ہوں۔ مشکلات میں گھرے لوگوں کی بنیادی ضروریات کو پورا کرنے اور عوام کے لیے محفوظ اور شدید موسم سے بچاو کے لیے مزید کوششیں کی جانی چاہیے۔
اجلاس میں کہا گیا کہ مقامی حکومتوں کو بزرگ شہریوں کے لیے کھانے کی امداد کے حوالے سے علاقے کے لحاظ سے مخصوص خدمات تیار کرتے ہوئے ان کی خدمات کو بہتر بنانے میں مدد کے لیے دیہی علاقوں پر مبنی پالیسی کی حمایت کرنی چاہئے۔
