بیجنگ(شِنہوا)چین کی سائنس فکشن صنعت کی آمدنی 2022 میں 87 ارب 75 کروڑیوآن (تقریباً12 ارب 39 کروڑڈالر) تک پہنچ گئی۔

چائنہ سائنس فکشن کنونشن (سی ایس ایف سی ) 2023 میں جاری کردہ ایک رپورٹ کے مطابق ملک کی سائنس فکشن صنعت کے پانچ شعبوں پر توجہ مرکوز کی گئی ہے جن میں ریڈنگ، فلمیں، گیمز، سیاحت، اور متعلقہ شعبے شامل ہیں۔

رپورٹ کے مطابق سائنس فکشن ریڈنگ انڈسٹری نے 2022 میں 3 ارب 4 کروڑیوآن  کی آمدنی حاصل کی جو پچھلے سال کے مقابلے میں 12.6 فیصد زائد ہے جب کہ گزشتہ سال نمائش کی گئی 21 سائنس فکشن فلموں کی کل  آمدنی 8 ارب 24 کروڑ یوآن تھی جس میں ملکی فلموں کا حصہ 67 فیصد تھا۔

2022 میں سائنس فکشن گیم انڈسٹری کی کل آمدنی 56 ارب 50 کروڑ یوآن تک پہنچ گئی جس میں سے 56 ارب 20 کروڑ  یوآن موبائل گیمز سے حاصل ہوئے۔

سی ایس ایف سی 2023 بیجنگ میں 29 مئی سے 4 جون تک جاری رہے گی۔