بیجنگ (شِنہوا) رواں سال2024 کے ابتدائی 5 ماہ کے دوران چین کی سافٹ ویئر اور انفارمیشن ٹیکنالوجی خدمات صنعت کی آمدن و منافع دونوں میں گزشتہ برس کی نسبت دو ہندسوں میں اضافہ ہوا۔

وزارت صنعت و انفارمیشن ٹیکنالوجی کے مطابق شعبے کا مجموعی منافع گزشتہ برس کی نسبت 16.3 فیصد اضافے سے 575.6 ارب یوآن (تقریبا 80.77 ارب امریکی ڈالر) رہا جبکہ مجموعی آمدن 11.6 فیصد اضافے سے 49.3 کھرب یوآن رہی۔

انفارمیشن ٹیکنالوجی خدمات کے ذیلی شعبے کی مجموعی آمدن گزشتہ برس کی نسبت 12.9 فیصد اضافے سے تقریبا 33.3 کھرب یوآن رہی جو صنعت کی کل آمدن کا 67.5 فیصد ہے۔

کلاؤڈ کمپیوٹنگ اور بگ ڈیٹا خدمات میں خاص کر مشترکہ آمدن میں 2023 کی اسی مدت کی نسبت 13 فیصد اضافہ ہوا اور یہ 514.3 ارب یوآن تک پہنچ گئی۔

اعداد و شمار کے مطابق سافٹ ویئر مصنوعات کے ساتھ ساتھ انفارمیشن سیکیورٹی مصنوعات اور خدمات سے حاصل آمدن میں بالترتیب 9.2 فیصد اور 8.5 فیصد اضافہ ہوا۔