بیجنگ(شِنہوا)چین کی سافٹ ویئر اور انفارمیشن ٹیکنالوجی سروس انڈسٹری میں اس سال کی پہلی ششماہی  کے دوران آمدنی اور منافع کے لحاظ سے دوہرے ہندسے میں ترقی برقرار رہی۔

چینی وزارت صنعت اور انفارمیشن ٹیکنالوجی کے اعداد و شمار کے مطابق  اس عرصے میں اس شعبے کی مشترکہ آمدنی 55 کھرب 20 ارب یوآن(تقریباً 773 ارب78 کروڑ ڈالر) رہی جس سے گزشتہ سال کی نسبت 14.2 فیصد اضافہ ظاہر ہوتا ہے۔

اس شعبے میں کمپنیوں کا کل منافع 617 ارب یوآن تک پہنچ گیا جو گزشتہ سال کی اسی مدت کے مقابلے میں 10.4 فیصد زیادہ ہے۔

خاص طور پر کلاؤڈ کمپیوٹنگ اور بگ ڈیٹا سروسز کی آمدنی  گزشتہ سال کی نسبت  16.5 فیصد بڑھ کر 551 ارب 50 کروڑ  یوآن تک پہنچ گئی، اور ای کامرس پلیٹ فارم سروسز کی آمدنی اسی عرصے میں 476 ارب 20 کروڑ  یوآن رہی جو گزشتہ سال کی نسبت  6.1 فیصدزائد ہے۔

اعداد و شمار سے یہ بھی ظاہر ہوا کہ انفارمیشن سیکیورٹی مصنوعات اور خدمات سے حاصل ہونے والی آمدنی 85 ارب 60 کروڑ یوآن رہی جو 2022 کے اسی عرصے کے مقابلے میں 10.8 فیصد زیادہ ہے۔