ہوہوٹ(شِنہوا) چین کی سب سے بڑی زمینی بندرگاہ، منزولی کے رواں سال اب تک کارگو کے حجم میں اضافہ ہوا ہے۔ بندرگاہ کے انتظامی دفتر کے مطابق چین کےشمالی اندرونی منگولیا خوداختیار علاقے میں واقع منزولی کی زمینی بندرگاہ سے جنوری سے 20 نومبر تک 2کروڑ ٹن سے زیادہ کارگو ہینڈل کیاگیا جو  گزشتہ سال سے 39.9 فیصد زیادہ ہے۔ انتظامی دفتر کے ڈائریکٹر ژانگ شی پھو نے بتایا کہ کارگو میں 1کروڑ87لاکھ 30ہزارٹن ریلوے فریٹ اور13لاکھ 20ہزار ٹن روڈ فریٹ شامل ہے، جو بالترتیب 35.3 فیصد اور 171 فیصد زیادہ ہے۔ اس سال اب تک، منزولی بندرگاہ سے 4ہزار353 چین-یورپ مال بردار ٹرینوں کی آمدورفت  ہوئی ، جس میں مجموعی طور پر4لاکھ 72ہزار900 ٹوئنٹی فٹ کے مساوی سامان کی نقل و حمل کی گئی ۔