بیجنگ (شِنہوا) چین کی سپریم پیپلز کورٹ (ایس پی سی) نے  قومی عوامی کانگریس کے کل 149 نائبین اورعوامی سیاسی مشاورتی کانفرنس کی قومی کمیٹی کے اراکین کو  خصوصی نگران مقرر کیا ہے۔

خصوصی نگران نامزد ہونےو الے ان افراد کوقانون، تعلیم، طب،صحت، سائنسی تحقیق اور معاشیات سمیت دیگر شعبوں سےلیا گیا ہے۔

2010 میں، ایس پی سی نے ایسے 60 خصوصی سپروائزرز کی تعیناتی شروع کی تھی  اور رواں سال کا بیچ  چوتھی مدت کے لیے ہے۔ 

اس سے پہلے آنے والے خصوصی سپروائزرز نے اپنے متعلقہ شعبوں کے کام اور پیشہ ورانہ مہارت کی بنیاد پر اپنی نگرانی کے فرائض پوری لگن سے انجام دیے ۔ انہوں نے دیگرشعبوں کے علاوہ عوامی عدالتوں کے ٹرائل اور انفورسمنٹ،عدالتی اصلاحات اور ٹیلنٹ ٹریننگ کے امورمیں تعاون فراہم کیا۔