بیجنگ (شِنہوا) چین نے امریکہ کی جانب سے سرمایہ کاری پر یک طرفہ پابندیوں کے نفاذ کی سخت مذمت  اور بھرپور مخالفت کرتے ہوئے امریکہ کے ساتھ اس معاملے کو اٹھایا ہے۔

رپورٹس کے مطابق، جمعرات کو امریکی صدر جو بائیڈن نے آؤٹ باؤنڈ سرمایہ کاری پر اسکریننگ میکانزم قائم کرنے اور چین میں سیمی کنڈکٹر، مائیکرو الیکٹرانک، کوانٹم انفارمیشن ٹیکنالوجی اور مصنوعی ذہانت کے شعبوں میں امریکی اداروں کی سرمایہ کاری کو محدود کرنے کے ایگزیکٹو آرڈر پر دستخط کیے۔وزارت خارجہ کے ترجمان نے اس حوالے سے ایک سوال کے جواب میں کہا کہ  قومی سلامتی کے خدشات کو سامنے رکھتے ہوئے چین میں امریکی کمپنیوں کی سرمایہ کاری کو محدود کرنا سیکورٹی تصورکو وسیع کرنے اور کاروباری مصروفیات کو سیاست زدہ کرنے کا واضح عمل ہے۔ترجمان نے کہا کہ اس اقدام کا اصل مقصد چین کو اس کے ترقی کے حق سے محروم کرنا اور خود غرضی سے دوسروں کو نقصان پہنچاتے ہوئے امریکی بالادستی حاصل کرنا ہے۔