بیجنگ(شِنہوا) چین نے ثقافتی آثاراور نوادرات سے متعلق جرائم کے خاتمے میں اہم کامیابیاں حاصل کی ہیں، پروکیوریٹرل سے متعلقہ  قومی اداروں نے جنوری 2022 سے ستمبر 2023 تک ثقافتی ورثے کے تحفظ سے متعلق مفاد عامہ کے 11ہزار402 کیسزکو نمٹایا۔

 سپریم پیپلز پروکیوریٹ (ایس پی پی ) اورقومی ثقافتی ورثے کے ادارے (این سی ایچ اے) کی پیر کو مشترکہ  پریس کانفرنس کے مطابق، جنوری 2021 سے ستمبر 2023 تک، 1ہزار785 فوجداری مقدمات میں 5ہزار20 افراد کے خلاف ثقافتی آثار کے انتظام میں رکاوٹ ڈالنے پر مقدمہ چلایا گیا۔

این سی ایچ اے کے عہدیدار چھین پیی جون نے کہا کہ ثقافتی آثار کے انتظامی محکموں نے ثقافتی آثار سے متعلقہ جرائم کے خلاف کریک ڈاؤن میں پروکیوریٹس کے ساتھ تعاون کو بہتر کیا ہے اور مشترکہ کام کرنے کے طریقہ کار کو مسلسل بہتر بنایا ہے،جس سے  ایسے جرائم سے مؤثر طریقے سے نمٹاجا رہاہے۔