بیجنگ(شِنہوا)چین کی 13ویں قومی خواتین کانگریس میں تقریباً 18 سو مندوبین اور 90 خصوصی طور پر مدعو کردہ مندوبین  شرکت کریں گی جو 23 سے 26 اکتوبر تک بیجنگ میں منعقد ہو گی۔

آل چائنہ ویمنز فیڈریشن (اے سی ڈبلیو ایف)کے مطابق کانگریس کے دوران مندوبین 12ویں  کانگریس کی ایگزیکٹو کمیٹی کی رپورٹ کا جائزہ لینے کے علاوہ فیڈریشن کے آئین میں ترمیم کریں گی اور اس کی نئی قیادت کا انتخاب کریں گی۔

کانگریس ہر لحاظ سے ایک جدید سوشلسٹ ملک کی تعمیر اور تمام محاذوں پر چینی قوم کی عظیم تجدید کو آگے بڑھانے کے لیے چینی خواتین کی طاقت اور دانشمندی کو یکجاکرنے میں اہمیت کی حامل ہے۔