بیجنگ(شِنہوا) چین رواں سال اپنے قمری مشن کے چوتھے مرحلے پرپیش رفت کرے گا،جس میں چاند کے دوردرازکے علاقے سے مٹی کے 2کلوگرام کے نمونے زمین پرواپس لانے کا منصوبہ بھی شامل ہے۔

قمری مشن کے چیف ڈیزائنروو ویرن نے پیر کوبتایاکہ چین چھانگ ای- 6، چھانگ ای- 7 اور چھانگ ای - 8 مشن کے ساتھ اپنی قمری تحقیق جاری رکھے گا۔ چھانگ ای- 6 مشن کے ذریعے چاند کی سطح سے نمونے واپس لائیں جائیں گے، جبکہ چھانگ ای- 7 مشن میں چاند کے جنوبی قطب پر اترنا اور پانی کے وسائل کا پتہ لگایا جائے گا۔

وو نے بتایا کہ چھانگ ای - 8 مشن 2028 کے آس پاس شروع کیا جائے گا جو چاند کے جنوبی قطب پر ایک سائنسی تحقیقی اسٹیشن کا بنیادی ماڈل بنانے کے لیےچھانگ ای- 7 مشن  کے ساتھ مل کر کام کرے گا، جس میں آربیٹر، لینڈرز، رووراور فلائنگ کرافٹ  جیسے متعدد ریسرچ آلات شامل ہوں گے۔