بیجنگ (شِنہوا) چین کے جنوب مغربی صوبے گوئی ژو میں اتوار کی صبح ہونے والی آ تشزدگی سے متاثرہ کان میں امدادی کارروائیوں میں رہنمائی کے لیے ٹیم بھیج دی گئی ہے۔

پان ژو شہر کی شان جیاؤ شو کوئلہ کان میں صبح 8 بجکر10 منٹ پر ہونے والی آتشزدگی کے اس واقعے میں 16 افراد کے لقمہ اجل بننے کی تصدیق کی گئی تھی ۔

وزارت ہنگامی انتظامات نے زور دیتے ہو ئے کہا ہے کہ تلاش اور بچاؤ کے کاموں اور ثانوی آفات کی روک تھام میں مقامی حکام کی رہنمائی اور مدد کی جائے ۔

اس نے حفاظتی خطرات کی مکمل تحقیقات اور اصلاح میں مزید کوششوں کی ضرورت پر زور دیا ہے تاکہ بڑے حادثات کی روک تھام کے لئے ٹھوس اقدامات یقینی بنائے جاسکیں۔

واقعے کی تحقیقات اور امدادی کارروائیاں جاری ہیں۔

چین کی ریاستی کونسل کے ماتحت ورک سیفٹی کمیشن نے حادثے کی وجوہات جاننے اور متعلقہ قوانین و ضوابط کے تحت ذمہ داروں سے جواب طلبی کے احکامات جاری کردیئے ہیں۔