تائی یوان (شِنہوا) چین کے شمالی صوبہ شنشی میں غیر روایتی قدرتی گیس کی پیداوار گزشتہ سال کی نسبت 5.7 فیصد اضافے کے ساتھ 2023 کی پہلی ششماہی میں 6.82 ارب مکعب میٹرز تک پہنچ گئی جس نے اسی عرصے کے لیے ایک نیا تاریخی ریکارڈ قائم کیا ہے۔

صوبائی شماریاتی بیورو کے مطابق شنشی چین میں کوئلے کا ایک بڑا صوبہ ہے اور غیر روایتی قدرتی گیس کے وافر وسائل کا بھی حامل ہے جس میں کول بیڈ میتھین، ٹائٹ سینڈ اسٹون گیس اور شیل گیس شامل ہیں۔

صوبے نے 2020کے اختتام تک  10.6کھرب مکعب میٹرز سے زائد غیر روایتی قدرتی گیس کے مجموعی ثابت شدہ ارضیاتی ذخائر جمع کیے تھے۔

شنشی صوبے کے 14 ویں پانچ سالہ ترقیاتی منصوبے (2021-2025) میں ایک قومی غیر روایتی قدرتی گیس مرکز بننے کی راہ پر گامزن ہے۔

شنشی میں غیر روایتی قدرتی گیس کی پیداوار میں حالیہ برسوں میں تیزی سے اضافہ ہوا ہے  جو 2020 میں 8.15 ارب مکعب میٹرز سے بڑھ کر 2022 میں 11.33 ارب مکعب میٹرز تک پہنچ گیا ہے  جس میں تقریباً1.6 ارب  مکعب میٹرز کی اوسط سالانہ ترقی ہوئی ہے۔