بیجنگ(شِنہوا) چینی مین لینڈ کے ترجمان نے بدھ کے روز تائیوان کی قیادت اور مقننہ کے حال ہی میں ختم ہونے والے انتخابات کے بارے میں میڈیا کے سوال کے جواب میں قومی اتحاد کو غیرمتزلزل طریقے سے آگے بڑھانے کے عزم کا اعادہ کیا ہے۔

چین کی ریاستی کونسل تائیوان کے امور کے دفتر کے ترجمان چھن بین ہوا نے کہا کہ انتخابی نتائج  نہ ہی اس حقیقت کو  بدل سکتے  ہیں کہ تائیوان چین کا ایک حصہ ہے اور نہ ہی آبنائے پار تعلقات کے بنیادی منظرنامے اور ترقی کے رجحان کو تبدیل کر سکتے ہیں اور  نہ ہی چین کے دوبارہ اتحاد کے  ناگزیرمقصد میں رکاوٹ ڈال سکتے ہیں۔

 آنے والے کچھ عرصے کے لیے تائیوان کے بارے میں مین لینڈ کی پالیسی کے بارے میں چھن نے کہا کہ "ہم 1992 کے اتفاقِ رائے پر قائم رہیں گے جو ایک چین کے اصول کو مجسم کرتا ہے، 'تائیوان کی آزادی' کی مضبوطی سے مخالفت کرتا ہے، اور امن کو برقرار رکھتا ہے۔"

انہوں نے مزید کہا کہ مین لینڈ آبنائے تائیوان پار تبادلے کو وسعت سمیت تعاون کو فروغ دے گی اور قومی اتحاد کو آگے بڑھانے کے لیے انضمام کو گہرا کرے گی۔