بیجنگ(شِنہوا) چین کی صنعتی انجمنیں اورکیٹرنگ شعبے کے پلیٹ فارم انٹرپرائزز2023 کے دوران وزارت تجارت کی ایک مہم کے تحت کھپت کو بڑھانے کے لیے 70 سے زیادہ سرگرمیوں کا آغاز کریں گے۔

معاون وزیر تجارت چھین چھون جیانگ نے جمعہ کو ایک فورم سے خطاب کرتے ہوئے کہا کہ کیٹرنگ انڈسٹری کھپت کے فروغ، لوگوں کے ذریعہ معاش کو بہتر بنانے اور روزگار کو مستحکم کرنے کے لیے اہمیت کی حامل  ہے، انہوں نے مزید کہا کہ وزارت تجارت اس صنعت کے لیے معاون پالیسیوں کو بہتر بنائے گی۔ وزارت کے عہدیدار وانگ ڈونگ تانگ کے مطابق کیٹرنگ سیکٹر کی اعلیٰ معیار کی ترقی پر ایک فورم، چینی اور بین الاقوامی کھانوں کی نمائش  اور چینی کھانوں کے ثقافتی میلے جیسی مختلف سرگرمیوں کا 2023 میں انعقادکیا جائے گا۔