بیجنگ(شِنہوا)چین کے شہری ہوا بازی کے شعبے میں  2023 میں 62 کروڑ سفری دورے کیے گئے جوگزشتہ سال کے مقابلے میں 146.1 فیصد زیادہ اور 2019 میں وبائی مرض سے پہلے کی سطح کے 93.9 فیصد کے مساوی ہیں۔

چین کی سول ایوی ایشن ایڈمنسٹریشن نے جمعے کو اپنی ویب سائٹ پر ایک بیان میں کہا کہ 2023 میں اس شعبے کا کُل ٹرانسپورٹ ٹرن اوور118 ارب 83 کروڑ  ٹن کلو میٹر تھا جو گزشتہ سال  کی نسبت98.3 فیصد زیادہ اور2019 میں وبائی مرض سے پہلے کی سطح کے 91.9 فیصد کے برابر ہے ۔

 اس شعبے نے 2023 میں73 لاکھ 50 ہزار ٹن کارگو اور میل کی نقل و حمل کی جو گزشتہ سال کی نسبت 21 فیصد زیادہ اور 2019 میں ریکارڈ کیے گئے اعداد و شمار کے 97.6 فیصد کے مساوی ہے۔

2023 میں چین کی شہری ہوابازی کے فکسڈ اثاثوں میں کُل سرمایہ کاری 115 ارب یوآن (16.2  ارب ڈالر) تھی جو مسلسل چار سالوں میں 100  ارب یوآن سے ز ائد رہی۔