بیجنگ (شِنہوا) چین نے بنیادی طبی بیمہ اکاؤنٹس کے ذریعے طبی بلز بارے موقع پر ہی تصفیہ کا طریقہ کار مزید بہتر بنادیا ہے جس سے زیادہ سے زیادہ مقامی مہا جرین طبی سہولیات سے مستفید ہوسکیں گے۔

موجودہ بنیادی طبی بیمہ اسکیم کے تحت دیہی مہاجر مزدوروں، اپنے بچوں کے ساتھ نقل مکانی کرنے والے بزرگ شہری اور دیگر مقامی مہا جرین کو اپنے آبائی صوبوں سے باہر طبی اخراجات کے تصفیہ کی اجازت ہے۔

قومی صحت نگہداشت تحفظ انتظامیہ کے مطابق 2023 کے ابتدائی 6 ماہ میں ملک بھر میں تقریباً 3 لاکھ 64 ہزار 400 نامزد طبی اداروں میں بین الصوبائی مریضوں کے طبی بلز کا موقع پر تصفیہ کیا گیا اور 1 کروڑ 74 لاکھ سے زائد تصفیہ درخواستوں کی منظوری دی گئی۔

انتظامیہ نے بتایا کہ چین بھر میں کاؤنٹی سطح کے تمام علاقوں میں بیرونی مریضوں کے بلز کے بین الصوبائی تصفیے کے لیے مخصوص ہسپتال ہیں۔

سرکاری اعداد و شمار کے مطابق جنوری سے مارچ کے دوران بین الصوبائی مریضوں کے براہ راست تصفیہ کرائے گئے طبی بلز کی مجموعی تعداد 21 لاکھ تک پہنچ گئی تھی۔

چین کی بنیادی طبی بیمہ اسکیموں سے تقریباً 1 ارب 36 کروڑ افراد مستفید ہوتےہیں ۔ یہ شرح کل آبادی کے 95 فیصد کے مساوی ہے۔