بیجنگ ( شِنہوا) چین میں مارچ کے دوران صنعتی اداروں کی بجلی کی پیداوار میں گزشتہ برس کی نسبت 5.1 فیصد اضافہ ہوا۔ ان اداروں میں ہر ایک کی سالانہ کاروباری آمدن کم سے کم 2 کروڑ یوآن (تقریباً 29 لاکھ 10 ہزار امریکی ڈالرز) ہے۔

قومی ترقیاتی اور اصلاحات کمیشن کے ترجمان مینگ وائی نے ایک پریس کانفرنس میں بتایا کہ اس عرصے میں ان اداروں کی بجلی کی مجموعی پیداوار 717.3 راب کلو واٹ آور تک پہنچ گئی۔

مینگ نے کہا کہ مارچ میں تھرمل پاور کی پیداوار میں گزشتہ برس کی نسبت 9.1 فیصد اضافہ ہوا۔ جبکہ جوہری بجلی کی پیداوار ایک برس قبل کے مقابلے میں 4.6 فیصد بڑھی۔

انہوں نے کہا کہ گزشتہ ماہ شمسی توانائی کی پیداوارمیں گزشتہ برس کی نسبت 13.9 فیصد اضافہ ہوا جبکہ ہوا سے بجلی کی پیداوار  0.2 فیصد بڑھی جو معمولی اضافہ ہے۔

مینگ نے کہا کہ رواں سال کی پہلی سہ ماہی میں بجلی کی مجموعی پیداوار گزشتہ برس کی نسبت 2.4 فیصد اضافے کے ساتھ 20.7 کھرب کلوواٹ آورز تک پہنچ گئی۔