بیجنگ(شِنہوا) چین 14ویں پانچ سالہ منصوبے (2021-2025) میں اپنے محفوظ قومی جنگلات کے رقبے میں3کروڑ 60لاکھ  ایم یو(24لاکھ ہیکٹر) سے زیادہ کا اضافہ کرے گا۔

نیشنل فاریسٹری اینڈ گراس لینڈ ایڈمنسٹریشن کے عہدیدار ژانگ لی منگ نے جمعہ کو پریس کانفرنس میں بتایا کہ ملک ان پانچ سالوں میں جنگلات کے ذخیرے کے حجم میں7کروڑ کیوبک میٹر سے زیادہ اضافہ کرنے کا بھی ارادہ رکھتا ہے۔ ژانگ کے مطابق، چین نے 2012 میں اس طرح کے جنگلات کی تعمیرکا منصوبہ شروع کرنے کے بعد سے 9کروڑ20لاکھ  ایم یوسے زیادہ محفوظ جنگلات لگائے ہیں۔ دنیا کے سب سے بڑے لکڑی کے درآمد کنندہ اورلکڑی کے دوسرے سب سے بڑے صارف کے طور پرچین دنیا بھرمیں لکڑی کے شہتیروں کی تجارت میں ایک تہائی سے زیادہ درآمد کرتا ہے۔

ژانگ نے بتایا کہ گزشتہ دہائی کے دوران، اس منصوبے کے علاقوں میں جنگلات کے ذخیرے کے حجم میں27کروڑ مکعب میٹر کا اضافہ ہوا، اور ملک کے محفوظ جنگلات سے تقریباً 15کروڑمکعب میٹر لکڑی کی پیداوارحاصل ہوئی۔