بیجنگ (شِنہوا)  چین نے اعلیٰ معیار اور ماحول دوست ترقی کو فروغ دینے کی کوششوں کے تحت 2022 کے دوران توانائی کی کھپت اور کاربن ڈائی آکسائیڈ کے اخراج میں کمی کی۔

شماریات کے قومی بیورو (این بی ایس ) کے منگل کو ایک بیان کے مطابق  گزشتہ سال، ملک کی مجموعی گھریلو پیداوارکے فی 10ہزار یوآن (تقریباً 1438.46 ڈالر) پر توانائی کی کھپت میں 2021 کے مقابلے میں 0.1 فیصد کم جب کہ جی ڈی پی کے فی 10ہزار یوآن کے بدلے کاربن ڈائی آکسائیڈ کے اخراج میں 0.8 فیصد کمی آئی۔ 

 این بی ایس کے نائب سربراہ شینگ لائی یون نے کہا کہ چین نے 2022 کے دوران معیشت کو مستحکم کرتے ہوئے ترقی کی ماحول دوست تبدیلی کو تیز کیا ہے، ملک کی ماحولیاتی صورتحال میں مسلسل بہتری اور ماحول دوست اور کم کاربن پیداوار اور طرز زندگی کی تشکیل میں تیزی آئی۔ شینگ نے کہا کہ ملک میں توانائی کھپت کی کم کاربن تبدیلی کو آگے بڑھایا گیا ہے، صاف توانائی کی پیداوار میں تیزی سے اضافہ اور غیر فوسل توانائی کی کھپت میں مسلسل توسیع ہورہی ہے۔