بیجنگ (شِنہوا) چین میں رواں سال کپاس کی پیداوار 56 لاکھ 18 ہزار ٹن رہی جو 2022 کی نسبت معمولی کم ہے اس کمی کی وجہ بڑے پیداواری خطے میں خراب موسمی حالات ہیں۔

قومی ادارہ شماریات کے مطابق گزشتہ برس کے مقابلے میں سالانہ پیداوار میں 6.1 فیصد کمی ہوئی جبکہ کپاس کے کھیتوں کا مجموعی رقبہ 7.1 فیصد کم ہوکر 27 لاکھ 88 ہزار 100 ہیکٹر رہا۔ فی ہیکٹر قومی اوسط پیداوار میں 1.1 فیصد اضافہ ہوا۔

قومی ادارہ شماریات کے عہدیدار وانگ گوئی رونگ نے بتایا کہ ملک کے سب سے بڑے کپاس پیدا کرنے والے علاقے سنکیانگ میں کم درجہ حرارت ، موسم بہار میں زیادہ بارش اور موسم گرما میں گرمی کی طویل لہر جیسے غیر متوقع موسمی حالات کے سبب کھیتوں میں پیداوار کم ہوئی اور فی ہیکٹر پیداوار میں معمولی کمی واقع ہوئی۔

وانگ نے کہا کہ گزشتہ برس مسلسل زیادہ درجہ حرارت اور خشک سالی کے سبب دریائے یانگسی طاس میں فی ہیکٹر فصل بڑھ گئی جبکہ دریائے زرد کے کنارے کاشتکاری علاقے میں بھی بہتر انتظامات کے سبب فی ہیکٹر پیداوار میں اضافہ ہوا۔