بیجنگ (شِنہوا) چین میں مختلف عہدوں پر بھرتی ہونے والے تقریباً2لاکھ 79ہزار نئے سرکاری ملازمین نے سال 2023 کے کیریئر کے تربیتی سیشنز میں شرکت اور آئین سے وفاداری کا عہد کیا۔

ان سیشنز کا اہتمام کمیونسٹ پارٹی آف چائنہ (سی پی سی) کی مرکزی کمیٹی کے تنظیمی  ڈیپارٹمنٹ اور سی پی سی مرکزی کمیٹی کے پارٹی سکول (نیشنل اکیڈمی آف گورننس) نے 30 اکتوبر سے 3 نومبر کے درمیان مشترکہ طور پر کیا تھا۔

یہ سیشنز مرکزی اورمقامی سطحوں پر 3ہزار سے زیادہ کلاس رومز میں منعقد کیے گئے، جن میں ویڈیو کورسز اور سیمینارز کے ذریعےتربیت فراہم کی گئی۔

کورسز کے نصاب میں پارٹی کے جدید نظریات کا اطلاق، سیاسی تربیت، طرز عمل اور دیانتداری میں بہتری اور خفیہ معلومات کا تحفظ شامل تھا جسے  سرکاری ملازمین کی رہنمائی کے لیے ڈیزائن کیا گیا تھا  تاکہ وہ پارٹی کی توقعات پر پورا اترنے کے قابل اعلیٰ ہنر مند پیشہ ور افراد بن سکیں۔