بیجنگ (شِنہوا) چین میں 2023 کی ابتدائی 3 سہ ماہی کے دوران  مجموعی طور پر 1 ہزار 402 کلومیٹر نئی ریلوے لائنز قابل استعمال ہوگئیں۔

چائنا اسٹیٹ ریلوے گروپ کمپنی لمیٹڈ کے مطابق ان میں سے 1 ہزار 276 کلومیٹرپر تیز رفتار ٹریک کو فعال کیا گیا۔

اس مدت کے دوران ریلوے کے بنیادی ڈھانچے کی تعمیر کے بڑے منصوبوں میں پیشرفت ہوئی۔ 

چین کے ریلوے میں فکسڈ اثاثہ سرمایہ کاری گزشتہ برس کی نسبت 7.1 فیصد بڑھ کر 508.9 ارب یوآن (تقریباً 70.9 ارب امریکی ڈالر) ہوگئی۔

گروپ نے کہا کہ چین 2023  میں 3 ہزار کلومیٹر سے زائد نئی ریلوے لائنز فعال کرنے کا ارادہ رکھتا ہے جس میں 2 ہزار 500 کلومیٹر پر تیز رفتارٹرینیں چلیں گی۔