بیجنگ (شِنہوا) بنیادی طبی بل کے بین الصوبائی تصفیے بارے چین کی بہتر پالیسی سے طبی علاج کے خواہش مند مزید تارکین وطن نے فائدہ اٹھایا۔

موجودہ بنیادی طبی بیمہ اسکیم کے تحت دیہی مہاجر مزدور، اپنے بچوں کے ساتھ رہنے کے لیے نقل مکانی کرکے آنے والے بزرگ شہری اور دیگر تارکین وطن کو اپنے آبائی صوبوں سے باہر کئے گئے طبی اخراجات کا تصفیہ کرنے کی براہ راست اجازت ہے۔

قومی صحت عامہ تحفظ انتظامیہ کے جاری کردہ تازہ ترین اعداد و شمار کے مطابق جولائی سے ستمبر کے دوران بین الصوبائی طبی بلز کی براہ راست ادائیگیوں کی مجموعی تعداد 3 کروڑ 64 لاکھ تھی جو سہ ماہی بنیادوں پر 27.7 فیصد اضافہ ہے۔

ملک بھر میں تقریباً 78 ہزار200 نامزد طبی اداروں میں بین الصوبائی مریضوں کے طبی بلزکا موقع پر تصفیہ کیا گیا۔ جس میں جولائی سے ستمبر مدت میں 31 لاکھ تصفیے ہوئے۔

انتظامیہ نے بتایا کہ 2023 کی تیسری سہ ماہی میں بین الصوبائی بیرونی مریضوں کے اخراجات کی براہ راست تصفیے میں بھی اضافہ ہوا جس کے دوران مجموعی طور پر 3 کروڑ 33 لاکھ کیسز آئے۔

چین کی بنیادی طبی بیمہ اسکیمیں تقریباً 1.36 ارب افراد کو خدمات فراہم کرتی ہیں اس کی کوریج شرح کل آبادی کے 95 فیصد سے زیادہ ہے۔