بیجنگ (شِنہوا) چین کے اعلیٰ ترین  آڈیٹر نے کہا ہے کہ آڈیٹرز کی جانب سے جون 2022 اور مئی 2023 کے درمیان نشاندہی کردہ  مالی بے ضابطگیوں کا ازالہ کیا جارہاہے۔   چین کے نیشنل آڈٹ آفس (سی این اے او) کے آڈیٹر جنرل ہو کائی، نے 14ویں قومی عوامی کانگریس کی قائمہ کمیٹی کے ساتویں اجلاس میں رپورٹ پیش کرتے ہوئے کہا کہ ستمبر کے آخر تک، 957 ارب یوآن (تقریباً 134 ارب 79 کروڑ ڈالر)سے زائد فنڈز پر مشتمل معاملات کی اصلاح کی گئی اور 1ہزار600 سے زیادہ قواعد و ضوابط میں بہتری لائی گئی ، جس کے دوران  تقریباً 2ہزار540 افراد کوقابل احتساب ٹھہرایاگیا۔  ہو نے کہا کہ اصلاحی عمل کے ذریعے  کچھ ادارہ جاتی اور طریقہ کار سے متعلقہ مسائل کو حل کیا گیا  جو اصلاحات، ترقی اور معاشی وسماجی استحکام کے لیے نقصان دہ تھے، انہوں نے مزید کہا کہ سی این اے او نے 138 علاقوں، محکموں اور یونٹس کو اصلاحی نوٹس جاری کیے ہیں۔