بیجنگ(شِنہوا)چین میں سفر کی بڑھتی ہوئی طلب کے پیش نظر آئندہ تعطیلات کے دوران ایکسپریس ویز پر ریکارڈ ٹریفک کی توقع ہے۔

چینی وزارت ٹرانسپورٹ کےاہلکار وانگ شیو چھوان  کے مطابق آٹھ روزہ تعطیلات کے پہلے دن 29 ستمبر کو ایکسپریس وے پر ٹریفک کا حجم ایک نئی بلندی تک پہنچ جائے گا جبکہ چھٹیوں کے دوران ٹریفک کی یومیہ اوسط میں گزشتہ سال کی نسبت 40 فیصد سے زائد اضافے کی توقع ہے۔

اس سال قومی دن کی تعطیلات 29 ستمبر سے 6 اکتوبر تک ہوں گی جس میں وسط خزاں کے تہوار کا احاطہ کیا گیا ہے۔ یکم اکتوبر کو چین کا قومی دن  جبکہ 29 ستمبر وسط خزاں کا تہوارمنایاجاتا ہے جو خاندانی ملاپ کا روایتی چینی تہوار ہے۔

سفر اور سیاحت کے اس مصروف ترین ایام کے دوران چین بھر میں ایکسپریس ویز پر سات نشستوں تک مسافر کاروں کوٹول فری رسائی حاصل ہو گی۔