بیجنگ(شِنہوا) چین میں کارہیلنگ کی آن لائن خدمات کے آرڈر میں اکتوبر کے دوران ایک ماہ پہلے کے مقابلے میں اضافہ ہوا ہے۔

وزارت ٹرانسپورٹ کے اعداد و شمار کے مطابق  آن لائن کار ہیلنگ کمپنیوں کو گزشتہ ماہ80 کروڑ90 لاکھ   آرڈرز موصول ہوئے، جو گزشتہ ماہ سے 2.1 فیصد زیادہ ہے۔

 اکتوبر کے آخر تک، مجموعی طور پر334 آن لائن کار ہیلنگ کمپنیوں کو ملک میں کام کرنے کی اجازت دی گئی، جن میں ستمبر کے آخر کے مقابلے میں چار کا اضافہ ہوا۔

اعداد و شمار کے مطابق، اکتوبر کے آخر تک ملک بھر میں کل63لاکھ 30 ہزار آن لائن کار ڈرائیونگ لائسنس اور27 لاکھ 10 ہزار گاڑیوں کے ٹرانسپورٹ لائسنس جاری کیے گئے، جو بالترتیب 2.4 فیصد اور 2.7 فیصد زیادہ ہیں۔