ہانگ ژو (شِنہوا) ایشیئن پیرالمپک کمیٹی (اے پی سی) کے صدر ماجد راشد نے چوتھے ایشیئن پیرا گیمز کے اختتام کا اعلان کردیا۔

ہانگ ژو اولمپک اسپورٹس سینٹر اسٹیڈیم میں اختتامی تقریب سے خطاب میں انہوں نے کہا کہ مجھے لگتا تھا کہ یہ اب تک کے سب سے بڑے اور بہترین ایشیئن پیرا گیمز ہوں گے تاہم یہ میری توقعات سے کہیں بڑھ کر تھے۔

اے پی سی کے صدر نے مزید کہا کہ جو کچھ کیا گیا وہ لگن، احتیاط اور محنت کے ساتھ ہوا اور دونوں کھیل واقعی مساوی شان و شوکت کے ساتھ منعقد ہوئے۔

ہانگ ژو ایشیئن پیرا گیمز 7 روز جاری رہے جس میں 44 ممالک اور خطوں سے تعلق رکھنے والے تقریباً 3 ہزار کھلاڑیوں نے 22 کھیلوں کے 501 مقابلوں میں حصہ لیا۔

کھیلوں کے دوران 468 کھلاڑیوں نے کم از کم ایک تمغہ جیتا، 21 نئے عالمی ریکارڈ، 72 نئے ایشیائی ریکارڈ اور 283 کھیلوں کے ریکارڈ بنے۔