بیجنگ(شِنہوا) چین میں کام کے ماحول کی وجہ سے لگنے والے بیماریوں(آکوپیشنل ڈیزیز)میں کمی کارجحان جاری ہے اور 2019 سے  2022 کے درمیان ملک  میں نئے کیسز کی تعداد میں 40 فیصد کمی ہوئی۔

نیشنل ہیلتھ کمیشن (این ایچ سی) کی طرف سے منعقدہ پریس کانفرنس کے مطابق 14ویں پانچ سالہ  منصوبے کی مدت (2021-2025) کے دوران،نیشنل ہیلتھ کمیشن نے ملک بھر میں اس نوعیت کی بیماریوں سے نمٹنے کے لیے ایک خصوصی مہم شروع کی ہے، جس میں  بہت زیادہ دھول، زہریلے کیمیکلز اور شور والی کام کی جگہوں پر توجہ دی گئی۔ این ایچ سی کے اہلکار وانگ جیانڈونگ نے کہا کہ اب تک 1 لاکھ 85 ہزار کاروباری اداروں کو مہم کے دائرہ کار میں شامل کیا گیا ہے، جن میں سے 71 ہزار نے متعلقہ مسائل کو مکمل طور پر حل کیا ہے۔