بیجنگ (شِنہوا) چین میں انٹرنیٹ استعمال کرنے والے  کم عمرافراد کی تعداد سال2021 کے دوران  19کروڑ10لاکھ  تک پہنچ گئی ہے۔

 بدھ کو جاری کردہ ایک رپورٹ کے مطابق اس کی وجہ سے چین کے  نوعمر افراد میں انٹرنیٹ تک رسائی کی شرح 96.8 فیصد رہی ۔

چینی کمیونسٹ یوتھ لیگ کی مرکزی  کمیٹی اور چائنہ انٹرنیٹ نیٹ ورک انفارمیشن سینٹر کی جانب سے مشترکہ طور پر جاری کردہ رپورٹ میں بتایا گیا ہے کہ بنیادی طور پر شہری اوردیہی علاقوں کے درمیان 2021 میں گروپ کی انٹرنیٹ  تک رسائی کی شرح میں فرق کو ختم کیا گیا تھا۔

رپورٹ کے مطابق چین کی سائبر سیکیورٹی میں مسلسل بہتری ہوئی ہے جبکہ نوعمر افراد کے سائبر سیکیورٹی کے واقعات کے تناسب میں 2020 کے مقابلے میں کمی آئی ہے۔

 رپورٹ میں یہ بھی کہا گیا ہے کہ نوعمرافراد کے لیے ویڈیو پلیٹ فارمز معلومات کا ایک اہم ذریعہ بن چکے ہیں۔

اس رپورٹ میں صوبائی سطح کے 31 علاقوں میں پرائمری، جونیئر ہائی، سینئر ہائی اور ثانوی  ووکیشنل اسکولوں کے طلباء کا احاطہ کیا گیا ہے۔