شیامن(شِنہوا)23 واں چائنہ انٹرنیشنل فیئر فار انویسٹمنٹ اینڈ ٹریڈ (سی آئی ایف آئی ٹی)  چین کے مشرقی صوبہ فوجیان کے شہر شیامن میں شروع ہواجس کا مقصدسرمایہ کاری کو فروغ اورعالمی اقتصادی بحالی کو تقویت دیناہے۔

"کھلے اور مربوط: اعلیٰ معیار کی ترقی کی کلید'' کے عنوان سے چار روزہ نمائش کا آغازایک افتتاحی تقریب سےہوا جس میں فورمز، سیمینارز، نمائشوں، اور کاروباری مماثلت کی نشستوں سمیت متعدد سرگرمیاں شامل ہوں گی۔

نمائش کے دوران سرمایہ کاری سے متعلق مختلف تحقیقی رپورٹس بھی جاری کی جائیں گی۔

تقریباً 1 لاکھ 20 ہزار مربع میٹر پر محیط اس نمائش میں ڈیجیٹل معیشت، ذہین مصنوعات سازی ، سرسبز اور کم کاربن اخراج پر مبنی ترقی کے ساتھ ساتھ دیہی احیاء پر خصوصی توجہ دی گئی ہے۔

نمائش میں دنیا بھر سے1 ہزار سے زائد تنظیمیں اور کاروباری ادارے شرکت کر رہے ہیں۔

اقوام متحدہ کے صنعتی ترقی کے ادارےسمیت متعدد بین الاقوامی اداروں کی شرکت کے باعث اس سال کی نمائش میں گزشتہ  برسوں میں ہونے والی نمائشوں کے مقابلے میں شرکت کی تعداد اور سطح دونوں اعتبار سے اضافہ دیکھا گیا ہے۔

برازیل، سربیا اور قطر اس سال کے فیئر کے مہمان ممالک ہیں۔