بیجنگ (شِنہوا)چینی وزیراعظم لی چھیانگ نے انسانی اعضاء کے عطیات اور پیوندکاری بارے قواعد و ضوابط کے ریاستی کونسل کے حکم نامے پر دستخط کردیئے ہیں۔ نئے ضابطوں کا اطلاق یکم مئی 2024 سے ہوگا۔

بدلتے حالات کے تقاضے پورا کرنے اور اس مقصد کی صحت مند ترقی یقینی بنانے کے لئے 2007 میں جاری کردہ انسانی اعضاء کی پیوند کاری بارے قواعد بہتر بنائے گئے ہیں۔

نئے قوانین اعضاء کے عطیات کی تشہیر پر روشنی ڈالتے ہیں تاکہ اس کی ترقی کو مزید آگے بڑھایا جاسکے اور سول کوڈ کے بعد اعضاء کے عطیات کی شرائط اور طریقہ کار کو بہتر بنایا جاسکے۔

ان سے پیوند کاری میں اعضاء کے حصول اور تقسیمی نظام کے ضابطے بہتر ہوں گے اور اعضاء کی پیوند کاری میں متعلقہ ٹیکنالوجیزکا اطلاق بہتر طریقے سے کیا جاسکے گا۔

قواعد میں اعضاء کی پیوند کاری میں طبی اداروں اور ڈاکٹروں کی اہلیت بارے بھی وضاحت کی گئی ہے۔

قواعد قانونی ذمہ داریوں بارے متعلقہ دفعات بہتر بناتے ہیں اور اس شعبے میں بدانتظامی کی سزا کا نظام مستحکم کرتے ہیں۔