بیجنگ(شِنہوا) چین میں معیشت کی بحالی کا عمل جاری ہونے کی وجہ سے اپریل کے دوران ٹیکس ادا کرنے والے نئے مارکیٹ اداروں کی تعداد میں اضافہ ہواہے۔ اسٹیٹ ٹیکسیشن ایڈمنسٹریشن کے اعداد و شمارکے مطابق  ٹیکس سے متعلقہ کاروبارکرنے والے مجموعی طور پر 14لاکھ80ہزار نئے مارکیٹ اداروں کو گزشتہ ماہ رجسٹر کیا گیا، جو گزشتہ سال کی اسی مدت کے مقابلے میں 28.8 فیصد زیادہ ہیں۔

نئی رجسٹرڈ ہونے والی کمپنیوں کی تعداد گزشتہ سال کے مقابلے میں 25.6 فیصد اضافے کے ساتھ 7لاکھ 10ہزار رہی،رپورٹنگ کی مدت میں نئے انفرادی کاروباری اداروں کی تعداد 7لاکھ 59 ہزار رہی جو ایک سال پہلے کے مقابلے میں 33.6 فیصد زیادہ ہے۔

غیر ملکی سرمایہ کاروں کے زیرملکیت ٹیکس سے متعلق مارکیٹ کے نئے اداروں کی مجموعی تعداد اپریل میں گزشتہ سال کے مقابلے میں 87.9 فیصد اضافے کے ساتھ 6ہزار رہی،جب کہ نجی ملکیت والے نئے مارکیٹ اداروں کی تعداد 28.7 فیصد بڑھ کر14لاکھ 60ہزار سے زیادہ ہو گئی۔