بیجنگ (شِنہوا) چین کے امراض پر قابو پانے اور روک تھام کے مرکز(چائنہ سی ڈی سی) کے ایک ماہر کے مطابق، ملک میں اس وقت بڑے پیمانے پر کوویڈ-19 کی وبا پھیلنے کا امکان کم ہے۔
محقق وانگ لی پھنگ نے بتایا کہ سرکاری اعدادوشمار کے مطابق اپریل کے وسط سے آخر تک ملک بھر میں رپورٹ ہونے والے کوویڈ-19 کے تصدیق شدہ کیسز کی تعداد میں اضافہ ہو رہا ہے جبکہ تصدیق شدہ اکثر کیسز کی علامات ہلکی نوعیت کی ہیں۔
چائنہ سی ڈی سی کے ایک اور محقق چھین کاو نے کہا کہ مئی کے اوائل تک ملک میں کوویڈ-19 اومی کرون کی ذیلی قسم ایکس بی بی سب سے غالب ذیلی قسم بن چکی تھی جبکہ ایکس بی بی کی ذیلی قسم میں بیماری پید اکرنے کے حوالے سے کوئی خاص تبدیلی نہیں دیکھی گئی۔
