گوئی یانگ (شِنہوا) چائنہ انٹرنیشنل بگ ڈیٹا انڈسٹری ایکسپو 2023 کا آغاز جمعہ کو چین کے جنوب مغربی صوبہ گوئی ژو کے دارالحکومت گوئی یانگ میں ہوا جس میں بگ ڈیٹا صنعت میں ملک کی تازہ ترین کامیابیوں کی نمائش کی گئی اور متعلقہ کاروباری تبادلوں کو فروغ دیا گیا۔
رواں سال کے ایڈیشن میں بڑے اعداد و شمار اور حقیقی معیشت اور کلاؤڈ کمپیوٹنگ کے مستقبل کے کردار کو مربوط کرنے پر توجہ مرکوز کی گئی ہے۔ منتظمین نے کہا ہے کہ ذیلی فورمز کے علاوہ ، یہ تقریب صنعتی مقابلوں اور ایک آف لائن نمائش کی بھی میزبانی کرتی ہے جس میں 6 پویلین 60 ہزار مربع میٹرز پر محیط ہیں۔
تین روزہ ایونٹ کے دوران بگ ڈیٹا صنعت میں تازہ ترین تحقیقی نتائج اور ایپلی کیشنز اداروں، لیبارٹریوں اور ٹیک کمپنیزکی طرف سے جاری کی جائیں گی جن میں پانچ سو میٹر اپرچر سفیریکل ریڈیو ٹیلی سکوپ یاچائنہ اسکائی آئی اور کیورا جیسی چینی آن لائن مواد کی ویب سائٹ ژیہو شامل ہیں۔
اپریل میں ژیہو نے چینی زبان کے بڑے ماڈل ژیہائی ٹو اے آئی کو متعارف کرایا جو مصنوعی ذہانت کے ماڈلز میں مصروف بیجنگ اسٹارٹ اپ ماڈل بیسٹ کے ساتھ مل کر تیار کیا گیا ہے۔
منتظمین نے کہا ہے کہ نمائش کے دوران ژیہائی ٹو اے آئی پر نئی پیشرفت کو اپ ڈیٹ کیا جائے گا۔
یہ نمائش 2015 سے گوئی یانگ میں منعقد کی جارہی ہے اور چین میں اپنی نوعیت کی پہلی نمائش ہے جو بگ ڈیٹا صنعت میں اہم کامیابیوں کے لئے ایک مواصلاتی پلیٹ فارم تشکیل دیتی ہے۔
ملک کے پہلے قومی بگ ڈیٹا جامع پائلٹ زون کی حیثیت سے گوئی ژو صوبہ اپنی اعلیٰ معیار کی سماجی و معاشی ترقی کی ریڑھ کی ہڈی کے طور پر بگ ڈیٹا صنعت کو فروغ دے رہا ہے۔
2022 میں گوئی ژو نے بگ ڈیٹا کی صنعت کی ترقی کو تیز کردیا اور الیکٹرانک انفارمیشن مینوفیکچرنگ صنعت کی صوبے کی اضافی قدر میں 60 فیصد سے زیادہ اضافہ ہوا۔
