شی جیاژوانگ(شِنہوا)بین الاقوامی ڈیجیٹل اکانومی ایکسپو 6 سے 8 ستمبر تک چین کے شمالی صوبہ ہیبے کے دارالحکومت شی جیاژوانگ میں منعقد ہوگی۔

صوبائی حکومت کے انفارمیشن آفس کے مطابق چائنہ انٹرنیشنل ڈیجیٹل اکانومی ایکسپو2023 میں صنعتی انٹرنیٹ کی ترقی پر توجہ مرکوزکی جائے گی۔

اس ایکسپو میں فورمز اور بین الاقوامی تعاون کی سرگرمیاں پیش کی جائیں گی اور دیگر اداروں کے علاوہ معروف کاروباری اداروں، وینچر کیپیٹل فنڈز اور تحقیقی تنظیموں سے تقریباً 400 افراد کو مدعو کیا جائے گا۔

30 سے زیادہ سائیڈ لائن فورمزمیں ڈیجیٹل فنانس اور مصنوعی ذہانت جیسے شعبوں اور نئی اور منفرد مصنوعات تیار کرنے والے خصوصی اور جدید ترین اداروں پر توجہ مرکوزکی جائے گی۔

 ایکسپو میں چین کی ڈیجیٹل معیشت کی ترقی کے بارے میں ایک رپورٹ بھی جاری کی جائے گی۔